kaun hai tanha akela main ki tu

kaun hai tanhā akelā maiñ ki tū

aur saare jag meñ rusvā maiñ ki to

pherne vaalā siyāhī chāñd par

aur phir bāhar se ujlā maiñ ki tū

ye jahāñ terī atā maanā magar

kaun hai dil-dāda is kā maiñ ki tū

maut kī chāhat meñ dīvāna hai kaun

zindagī ko karke rusvā maiñ ki tū

ban ke tūfāñ sāhiloñ ke darmiyāñ

phir rahā thā dariyā dariyā maiñ ki tū

but-kade meñ qaid tū āzād maiñ

kaun hai miTTī kā putlā maiñ ki tū

sūrat-e-‘mansūr’ phir āvāz-e-haq

bol-bālā karne vaalā maiñ ki tū

kaun hai tanha akela main ki tu

aur sare jag mein ruswa main ki to

pherne wala siyahi chand par

aur phir bahar se ujla main ki tu

ye jahan teri ata mana magar

kaun hai dil-dada is ka main ki tu

maut ki chahat mein diwana hai kaun

zindagi ko karke ruswa main ki tu

ban ke tufan sahilon ke darmiyan

phir raha tha dariya dariya main ki tu

but-kade mein qaid tu aazad main

kaun hai miTTi ka putla main ki tu

surat-e-‘mansur’ phir aawaz-e-haq

bol-baala karne wala main ki tu