kaun hoga meri jurat ka badal mere baad

kaun hogā mirī jur.at kā badal mere ba.ad

ḳhatm ho jā.egā har radd-e-amal mere ba.ad

kaun phir merī tarah terā uḌā.egā mazāq

zindagī phir kise baḳhshegī ajal mere ba.ad

'mīr' to 'mīr' thā aur sach hī kahā thā us ne

sar-ba-gardāñ hī rahegī ye ġhazal mere ba.ad

koī qadmoñ se nahīñ rauñdegā daulat un kī

kis se uljheñge ye arbāb-e-duval mere ba.ad

nazm-e-ālam bhī mujhī se maiñ binā-e-ālam

dekhnā aa.egā aalam meñ ḳhalal mere ba.ad

ibn-e-ādam kī jibillat hai anāsir kā fasād

ḳhatm hogī bhī to ye jañg-o-jadal mere ba.ad

kaise sūraj se nabard-āzmā hogā koī

kaun khelegā 'sharar' aag se kal mere ba.ad

kaun hoga meri jurat ka badal mere baad

KHatm ho jaega har radd-e-amal mere baad

kaun phir meri tarah tera uDaega mazaq

zindagi phir kise baKHshegi ajal mere baad

'mir' to 'mir' tha aur sach hi kaha tha us ne

sar-ba-gardan hi rahegi ye ghazal mere baad

koi qadmon se nahin raundega daulat un ki

kis se uljhenge ye arbab-e-duwal mere baad

nazm-e-alam bhi mujhi se main bina-e-alam

dekhna aaega aalam mein KHalal mere baad

ibn-e-adam ki jibillat hai anasir ka fasad

KHatm hogi bhi to ye jang-o-jadal mere baad

kaise suraj se nabard-azma hoga koi

kaun khelega 'sharar' aag se kal mere baad