kaun kahta hai ki haalat se be-zar hain hum

kaun kahtā hai ki hālāt se be-zār haiñ ham

ai vatan tere liye barsar-e-paikār haiñ ham

ham se māñge na sanad koī vafādārī kī

āzmā.ish ke liye har ghaḌī tayyār haiñ ham

ham se baaqī hai abhī rang-e-vafā phūloñ meñ

kaise kahte ho chaman ke liye bekār haiñ ham

ham ne kab daulat-e-duniyā kī tamanna kī hai

tujh se bas pyaar mohabbat ke talabgār haiñ ham

ab nahīñ jā.eñge hijrat kī ridā oḌhe kahīñ

apne āñchal meñ chhupā le ki tirā pyaar haiñ ham

kaun kahta hai ki haalat se be-zar hain hum

ai watan tere liye barsar-e-paikar hain hum

hum se mange na sanad koi wafadari ki

aazmaish ke liye har ghaDi tayyar hain hum

hum se baqi hai abhi rang-e-wafa phulon mein

kaise kahte ho chaman ke liye bekar hain hum

hum ne kab daulat-e-duniya ki tamanna ki hai

tujh se bas pyar mohabbat ke talabgar hain hum

ab nahin jaenge hijrat ki rida oDhe kahin

apne aanchal mein chhupa le ki tera pyar hain hum