kaun kahta hai ki ye shoKHi-e-bedad nahin

kaun kahtā hai ki ye shoḳhī-e-bedād nahīñ

tum ne milne ko kahā bhī thā kahīñ yaad nahīñ

haa.e us roz kā har vāqi.a tum bhuul ga.e

haa.e kyā merā taḌapnā bhī tumheñ yaad nahīñ

maiñ ḳhatāvār agar ahd-shikan phir se kahūñ

tum usī naaz se kah do ki hameñ yaad nahīñ

uf ye iz.hār-e-taġhāful kī adā-e-dil-kash

phir zarā kahiye ki haañ kah to diyā yaad nahīñ

ye tarahdārī-e-iz.hār-e-taġhāful uuñ huuñ

hañs ke muñh pher ke sharmā ke kaho yaad nahīñ

itnā to yaad hai ik va.ada kiyā thā lekin

ham ne kyā va.ada kiyā thā hameñ ye yaad nahīñ

zikr-e-'bismil' pe vo farmāne lage jhuñjhlā kar

hogā koī chalo jaane do hameñ yaad nahīñ

kaun kahta hai ki ye shoKHi-e-bedad nahin

tum ne milne ko kaha bhi tha kahin yaad nahin

hae us roz ka har waqia tum bhul gae

hae kya mera taDapna bhi tumhein yaad nahin

main KHatawar agar ahd-shikan phir se kahun

tum usi naz se kah do ki hamein yaad nahin

uf ye izhaar-e-taghaful ki ada-e-dil-kash

phir zara kahiye ki han kah to diya yaad nahin

ye tarahdari-e-izhaar-e-taghaful un hun

hans ke munh pher ke sharma ke kaho yaad nahin

itna to yaad hai ek wada kiya tha lekin

hum ne kya wada kiya tha hamein ye yaad nahin

zikr-e-'bismil' pe wo farmane lage jhunjhla kar

hoga koi chalo jaane do hamein yaad nahin