kaun kahta hai ki yunhi raazdar usne kiya

kaun kahtā hai ki yūñhī rāzdār us ne kiyā

ḳhuub parkhā hai mujhe tab e'tibār us ne kiyā

be-hijāb-e-nafs thā vo yā koī ġhāfil badan

pairahan jo bhī diyā hai taar taar us ne kiyā

aaj phir apnī samā.at sauñp dī us ne hameñ

aaj phir lahja hamārā iḳhtiyār us ne kiyā

sirf ik aks-e-vafā par hī nahīñ Daalī hai ḳhaak

ā.īna-sāzoñ ko bhī gard-o-ġhubār us ne kiyā

apne bām-o-dar pe raushan der tak rakkhā nahīñ

har charāġh-e-tamkanat ko be-dayār us ne kiyā

maiñ fareb-e-shām kī bāhoñ meñ gum thā aur mirā

sub.h kī pahlī kiran tak intizār us ne kiyā

zindagī se jañg meñ ye ma.arka hotā rahā

ik rajaz maiñ ne paḌhā aur ek vaar us ne kiyā

vo akelā thā rah-e-nisbat meñ lekin jaane kyuuñ

merī parchhā.īñ ko bhī ḳhud meñ shumār us ne kiyā

kaun kahta hai ki yunhi raazdar us ne kiya

KHub parkha hai mujhe tab e'tibar us ne kiya

be-hijab-e-nafs tha wo ya koi ghafil badan

pairahan jo bhi diya hai tar tar us ne kiya

aaj phir apni samaat saunp di us ne hamein

aaj phir lahja hamara iKHtiyar us ne kiya

sirf ek aks-e-wafa par hi nahin Dali hai KHak

aaina-sazon ko bhi gard-o-ghubar us ne kiya

apne baam-o-dar pe raushan der tak rakkha nahin

har charagh-e-tamkanat ko be-dayar us ne kiya

main fareb-e-sham ki bahon mein gum tha aur mera

subh ki pahli kiran tak intizar us ne kiya

zindagi se jang mein ye marka hota raha

ek rajaz main ne paDha aur ek war us ne kiya

wo akela tha rah-e-nisbat mein lekin jaane kyun

meri parchhain ko bhi KHud mein shumar us ne kiya