kaun kahta hai yar ne mara

kaun kahtā hai yaar ne maarā

yaar ke intizār ne maarā

kuchh tire intizār ne maarā

kuchh dil-e-be-qarār ne maarā

bātoñ bātoñ meñ dil ko le hī gayā

mujh ko zālim ke pyaar ne maarā

ho piyāle meñ qul ke bāda-e-nāb

mujh ko ik bāda-ḳhvār ne maarā

nigah-e-nāz ne agar chhoḌā

teġh-e-abrū-e-yār ne maarā

us ne va.ada kiyā qayāmat kā

mujh ko is intizār ne maarā

'ranj' duniyā ne shaiḳh ko mujh ko

ġham-e-roz-e-shumār ne maarā

vasl meñ ġhair kā gila kyā ḳhuub

mujh ko dar-parda yaar ne maarā

sar-e-mahfil liTā liTā ke mujhe

shoḳhī-e-chashm-e-yār ne maarā

abhī martā na maiñ mujhe ai 'ranj'

āfat-e-rozgār ne maarā

kaun kahta hai yar ne mara

yar ke intizar ne mara

kuchh tere intizar ne mara

kuchh dil-e-be-qarar ne mara

baaton baaton mein dil ko le hi gaya

mujh ko zalim ke pyar ne mara

ho piyale mein qul ke baada-e-nab

mujh ko ek baada-KHwar ne mara

nigah-e-naz ne agar chhoDa

tegh-e-abru-e-yar ne mara

us ne wada kiya qayamat ka

mujh ko is intizar ne mara

'ranj' duniya ne shaiKH ko mujh ko

gham-e-roz-e-shumar ne mara

wasl mein ghair ka gila kya KHub

mujh ko dar-parda yar ne mara

sar-e-mahfil liTa liTa ke mujhe

shoKHi-e-chashm-e-yar ne mara

abhi marta na main mujhe ai 'ranj'

aafat-e-rozgar ne mara