kaun le gaya dil se soz-o-saz-e-ranai
kaun le gayā dil se soz-o-sāz-e-rānā.ī
sub.h se jhalaktī hai aaj shām-e-tanhā.ī
dahr kī fazāoñ meñ kaun raqs kartā hai
kaun kar rahā hai yuuñ aap apnī rusvā.ī
ek ik nafas meñ thā kaif-o-vajd kā aalam
dil ki bhuul baiThā ab zauq-e-naġhma-pairā.ī
dār-o-gīr-e-duniyā ko ai 'kalīm' kyā kahne
bas ki is zamāne meñ ḳhāmushī hai goyā.ī
kaun le gaya dil se soz-o-saz-e-ranai
subh se jhalakti hai aaj sham-e-tanhai
dahr ki fazaon mein kaun raqs karta hai
kaun kar raha hai yun aap apni ruswai
ek ek nafas mein tha kaif-o-wajd ka aalam
dil ki bhul baiTha ab zauq-e-naghma-pairai
dar-o-gir-e-duniya ko ai 'kalim' kya kahne
bas ki is zamane mein KHamushi hai goyai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
