kaun sa ghar hai ki ai jaan nahin kashana tera aur jalwa-KHana tera

kaun sā ghar hai ki ai jaañ nahīñ kāshāna tirā aur jalva-ḳhāna tirā

mai-kada terā hai ka.aba tirā but-ḳhāna tirā sab hai jānāna tirā

tū kisī shakl meñ ho maiñ tirā shaidā.ī huuñ terā saudā.ī huuñ

tū agar sham.a hai ai dost maiñ parvāna tirā ya.anī dīvāna tirā

mujh ko bhī jaam koī pīr-e-ḳharābāt mile terī ḳhairāt mile

tā-qayāmat yūñhī jaarī rahe paimāna tirā rahe mai-ḳhāna tirā

tere darvāze pe hāzir hai tire dar kā faqīr ai amīroñ ke amiir

mujh pe bhī ho kabhī altāf-e-karīmāna tirā lutf-e-shāhāna tirā

sadqa mai-ḳhāne kā saaqī mujhe be-hoshī de ḳhud-farāmoshī de

yuuñ to sab kahte haiñ 'bedam' tirā mastāna tirā ab huuñ dīvāna tirā

kaun sa ghar hai ki ai jaan nahin kashana tera aur jalwa-KHana tera

mai-kada tera hai kaba tera but-KHana tera sab hai jaanana tera

tu kisi shakl mein ho main tera shaidai hun tera saudai hun

tu agar shama hai ai dost main parwana tera yani diwana tera

mujh ko bhi jam koi pir-e-KHarabaat mile teri KHairaat mile

ta-qayamat yunhi jari rahe paimana tera rahe mai-KHana tera

tere darwaze pe hazir hai tere dar ka faqir ai amiron ke amir

mujh pe bhi ho kabhi altaf-e-karimana tera lutf-e-shahana tera

sadqa mai-KHane ka saqi mujhe be-hoshi de KHud-faramoshi de

yun to sab kahte hain 'bedam' tera mastana tera ab hun diwana tera