kaun samjhega mere baad ishaare uske

kaun samjhegā mire ba.ad ishāre us ke

TuuT kar ḳhaak meñ milte haiñ sitāre us ke

ab hameñ aañkh uThā kar nahīñ taktā vo shaḳhs

kitne mazbūt marāsim the hamāre us ke

jo samundar mire atrāf ravāñ hai sar-e-ḳhāk

DhūñDhtā rahtā huuñ din-rāt kināre us ke

us kā nuqsān haqīqat meñ mirā apnā hai

mere hisse hī meñ aate haiñ ḳhasāre us ke

kitnī āsānī se dekhā thā use patthar meñ

kitnī mushkil se ḳhad-o-ḳhāl sañvāre us ke

saut meñ jitnā ḳhalā hai use pur kar de sadā

is tasalsul se koī naam pukāre us ke

ḳhatm ho saktī hai 'az.har' ye laḌā.ī apnī

ab bhī kuchh log salāmat haiñ hamāre us ke

kaun samjhega mere baad ishaare us ke

TuT kar KHak mein milte hain sitare us ke

ab hamein aankh uTha kar nahin takta wo shaKHs

kitne mazbut marasim the hamare us ke

jo samundar mere atraf rawan hai sar-e-KHak

DhunDhta rahta hun din-raat kinare us ke

us ka nuqsan haqiqat mein mera apna hai

mere hisse hi mein aate hain KHasare us ke

kitni aasani se dekha tha use patthar mein

kitni mushkil se KHad-o-KHal sanware us ke

saut mein jitna KHala hai use pur kar de sada

is tasalsul se koi nam pukare us ke

KHatm ho sakti hai 'azhar' ye laDai apni

ab bhi kuchh log salamat hain hamare us ke