kaun se ghaT chaDhe kis ki dua le koi

kaun se ghaaT chaḌhe kis kī duā le koī

zindagī pyaas nahīñ hai ki bujhā le koī

jāgtā huuñ ki is Iflās-zada bastī meñ

kis ko ma.alūm mire ḳhvāb churā le koī

dasht-e-hālāt meñ yādoñ se ham-āġhoshī-e-dil

jaise ik eid tire saath manā le koī

apne gajre mirī sāñsoñ meñ piro de varna

phuul ke saath chaman bhī na uḌā le koī

khul ga.e qāfila-e-yās ke parcham 'ishrat'

har guzargāh-e-tamannā ko sajā le koī

kaun se ghaT chaDhe kis ki dua le koi

zindagi pyas nahin hai ki bujha le koi

jagta hun ki is Iflas-zada basti mein

kis ko malum mere KHwab chura le koi

dasht-e-haalat mein yaadon se ham-aghoshi-e-dil

jaise ek eid tere sath mana le koi

apne gajre meri sanson mein piro de warna

phul ke sath chaman bhi na uDa le koi

khul gae qafila-e-yas ke parcham 'ishrat'

har guzargah-e-tamanna ko saja le koi