kaun si aisi lauh-e-jabin hai

kaun sī aisī lauh-e-jabīñ hai

jis par terā naqsh nahīñ hai

haal vahī hai dil ke ziyāñ kā

lekin ab ehsās nahīñ hai

jis ko falak bhī dekh rahe haiñ

arsh-nishāñ vo merī zamīñ hai

aa.ī chaman meñ fasl-e-bahārāñ

koī magar dil-shād nahīñ hai

qasr-e-dil ko Dhāne vaale

dekh to is meñ kaun makīñ hai

ḳhuub hai yuuñ to terā naġhma

dil kī magar āvāz nahīñ hai

ab hai ye aalam jān-e-masarrat

dil ko fareb-e-ġham bhī nahīñ hai

dekh rahā huuñ hāl-e-nasheman

lab pe magar fariyād nahīñ hai

aur bhī taa.ir haiñ gulshan meñ

koī magar dam-sāz nahīñ hai

shak to kisī sūrat meñ hamdam

husn-e-yaqīñ hai aur na yaqīñ hai

kaun si aisi lauh-e-jabin hai

jis par tera naqsh nahin hai

haal wahi hai dil ke ziyan ka

lekin ab ehsas nahin hai

jis ko falak bhi dekh rahe hain

arsh-nishan wo meri zamin hai

aai chaman mein fasl-e-bahaaran

koi magar dil-shad nahin hai

qasr-e-dil ko Dhane wale

dekh to is mein kaun makin hai

KHub hai yun to tera naghma

dil ki magar aawaz nahin hai

ab hai ye aalam jaan-e-masarrat

dil ko fareb-e-gham bhi nahin hai

dekh raha hun haal-e-nasheman

lab pe magar fariyaad nahin hai

aur bhi tair hain gulshan mein

koi magar dam-saz nahin hai

shak to kisi surat mein hamdam

husn-e-yaqin hai aur na yaqin hai