kaun si maKHluq hai ye KHak par

kaun sī maḳhlūq hai ye ḳhaak par

chāhtī hai thūknā aflāk par

khaal khīñcheñ aap is gustāḳh kī

phuul kāḌhe aap kī poshāk par

apne hī sāyoñ pe mañDlāte uqaab

gidh bane utreñge arz-e-pāk par

fikr hai ghar kī na un ko sar kā hosh

bas kahīñ makkhī na baiThe naak par

baḌhtā hī jaatā hai ik malbe kā Dher

chaak toḌe jā rahe haiñ chaak par

ghar ke mālik to khañDar ke bīchoñ-bīch

laḌ rahe haiñ ab ḳhas-o-ḳhāshāk par

log haiñ yā turbatoñ ke sūkhe phuul

hañs rahe haiñ dīda-e-namnāk par

kaun si maKHluq hai ye KHak par

chahti hai thukna aflak par

khaal khinchen aap is gustaKH ki

phul kaDhe aap ki poshak par

apne hi sayon pe manDlate uqab

gidh bane utrenge arz-e-pak par

fikr hai ghar ki na un ko sar ka hosh

bas kahin makkhi na baiThe nak par

baDhta hi jata hai ek malbe ka Dher

chaak toDe ja rahe hain chaak par

ghar ke malik to khanDar ke bichon-bich

laD rahe hain ab KHas-o-KHashak par

log hain ya turbaton ke sukhe phul

hans rahe hain dida-e-namnak par