kaun yaad aaya ye mahkaren kahan se aa gain
kaun yaad aayā ye mahkāreñ kahāñ se aa ga.iiñ
dasht meñ ḳhushbū kī bauchhāreñ kahāñ se aa ga.iiñ
kaisī shab hai ek ik karvaT pe kaT jaatā hai jism
mere bistar meñ ye talvāreñ kahāñ se aa ga.iiñ
ḳhvāb shāyad phir huā āñkhoñ meñ koī sañgsār
zer-e-mizhgāñ ḳhuun kī dhāreñ kahāñ se aa ga.iiñ
shāyad ab tak mujh meñ koī ghoñsla ābād hai
ghar meñ ye chiḌiyoñ kī chahkāreñ kahāñ se aa ga.iiñ
saath hai milnā agar chāhūñ to miltā bhī nahīñ
ek ghar meñ itnī dīvāreñ kahāñ se aa ga.iiñ
rakh diyā kis ne mire shāne pe apnā garm haath
mujh shikasta-pā meñ raftāreñ kahāñ se aa ga.iiñ
kaun yaad aaya ye mahkaren kahan se aa gain
dasht mein KHushbu ki bauchhaaren kahan se aa gain
kaisi shab hai ek ek karwaT pe kaT jata hai jism
mere bistar mein ye talwaren kahan se aa gain
KHwab shayad phir hua aankhon mein koi sangsar
zer-e-mizhgan KHun ki dhaaren kahan se aa gain
shayad ab tak mujh mein koi ghonsla aabaad hai
ghar mein ye chiDiyon ki chahkaren kahan se aa gain
sath hai milna agar chahun to milta bhi nahin
ek ghar mein itni diwaren kahan se aa gain
rakh diya kis ne mere shane pe apna garm hath
mujh shikasta-pa mein raftaren kahan se aa gain
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
