کونسی چیز ہے جو پوری ہے
زندگی آج بھی ادھوری ہے
نیکیاں کر کے سوچنا کیسا
کوئی بدلہ ملے ضروری ہے
کامیابی کا راز بتلاؤں
اولیں شرط جی حضوری ہے
ہم نے کاٹے ہیں دن قیامت کے
غم کی یہ رات بھی عبوری ہے
وہی بے التفاتیٔ جاناں
وہی ایذائے ناصبوری ہے
خاک ہوں پھر بھی شرمسار نہیں
ایک گوشہ تو دل کا نوری ہے
دل کو اکثر کچوکتا ہے ظفرؔ
کوئی احساس لا شعوری ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
