khae jata hai musalsal jo ye gham kis ka hai

khaa.e jaatā hai musalsal jo ye ġham kis kā hai

yaad kis kī hai ye āḳhir ye bharam kis kā hai

aañkh meñ sahrā sī ḳhāmoshī hai vīrānī hai

shor kaisā hai bapā dil pe qadam kis kā hai

sach ko likhtā bhī nahīñ jhuuT batātā bhī nahīñ

saf.ha kis kā hai sahāfī ye qalam kis kā hai

zindagānī ko na.e rang 'atā kartā hai

is qadar shoḳh-adā zulm-o-sitam kis kā hai

sab hai mauqūf mashiyyat pe usī kī jānāñ

‘ālam-e-āh-o-bukā ranj-o-alam kis kā hai

dil kā vīrāna bhī ābād huā jaatā hai

mehrbāñ kaun hai ye fazl-o-karam kis kā hai

khae jata hai musalsal jo ye gham kis ka hai

yaad kis ki hai ye aaKHir ye bharam kis ka hai

aankh mein sahra si KHamoshi hai virani hai

shor kaisa hai bapa dil pe qadam kis ka hai

sach ko likhta bhi nahin jhuT batata bhi nahin

safha kis ka hai sahafi ye qalam kis ka hai

zindagani ko nae rang 'ata karta hai

is qadar shoKH-ada zulm-o-sitam kis ka hai

sab hai mauquf mashiyyat pe usi ki jaanan

‘alam-e-ah-o-buka ranj-o-alam kis ka hai

dil ka virana bhi aabaad hua jata hai

mehrban kaun hai ye fazl-o-karam kis ka hai