KHak-e-ashiq hai jo howe hai nisar-e-daman

ḳhāk-e-āshiq hai jo hove hai nisār-e-dāman

ai mirī jaan tū mat jhaaḌ ġhubār-e-dāman

dosto mujh ko na do sair-e-chaman kī taklīf

ashk hī bas hai mirā bāġh-o-bahār-e-dāman

surḳh jaama pe nahīñ tere kanārī kī chamak

barq is abr meñ hotī hai nisār-e-dāman

dekhtā kyā hai garebāñ ki junūn se nāseh

yaañ to sābit na rahā ek bhī tār-e-dāman

āstīñ tak to kahāñ us ke rasā.ī 'bedār'

dastaras mujh ko nahīñ tā-ba-kanār-e-dāman

KHak-e-ashiq hai jo howe hai nisar-e-daman

ai meri jaan tu mat jhaD ghubar-e-daman

dosto mujh ko na do sair-e-chaman ki taklif

ashk hi bas hai mera bagh-o-bahaar-e-daman

surKH jama pe nahin tere kanari ki chamak

barq is abr mein hoti hai nisar-e-daman

dekhta kya hai gareban ki junun se naseh

yan to sabit na raha ek bhi tar-e-daman

aastin tak to kahan us ke rasai 'bedar'

dastaras mujh ko nahin ta-ba-kanar-e-daman