KHak-e-dil kahkashan se milti hai

ḳhāk-e-dil kahkashāñ se miltī hai

ye zamīñ āsmāñ se miltī hai

haath aatī nahīñ kabhī duniyā

aur kabhī har dukāñ se miltī hai

ham ko aksar gunāh kī taufīq

hujjat-e-qudsiyāñ se miltī hai

dil ko īmān jānñe vaale

daulat-e-dil kahāñ se miltī hai

māvārā-e-suḳhan hai jo tauqīr

ik kaḌe imtihāñ se miltī hai

intihā ye ki merī hadd-e-safar

manzil-e-gumrahāñ se miltī hai

har sitāra lahūluhān mirā

ye jabīñ āsmāñ se miltī hai

kunj-e-gul kī ḳhabar darīche ko

ab to bād-e-ḳhizāñ se miltī hai

sahl 'shāhīn' ye hunar to nahīñ

shā.irī naqd-e-jāñ se miltī hai

KHak-e-dil kahkashan se milti hai

ye zamin aasman se milti hai

hath aati nahin kabhi duniya

aur kabhi har dukan se milti hai

hum ko aksar gunah ki taufiq

hujjat-e-qudsiyan se milti hai

dil ko iman jaanne wale

daulat-e-dil kahan se milti hai

mawara-e-suKHan hai jo tauqir

ek kaDe imtihan se milti hai

intiha ye ki meri hadd-e-safar

manzil-e-gumrahan se milti hai

har sitara lahuluhan mera

ye jabin aasman se milti hai

kunj-e-gul ki KHabar dariche ko

ab to baad-e-KHizan se milti hai

sahl 'shahin' ye hunar to nahin

shairi naqd-e-jaan se milti hai