KHak samjhega koi pal-bhar mein

ḳhaak samjhegā koī pal-bhar meñ

aag kis samt se lagī ghar meñ

zehnī pāgal haiñ sirf mandir meñ

koī shankar nahīñ haiñ patthar meñ

log to is tarah se dekhe haiñ

jaise aaseb hoñ mire ghar meñ

jis ne merī hañsī ḳhushī chhīnī

ab talak jiitā hai isī Dar meñ

ek kashtī thī jaan kī dushman

chhoḌ kar aa gayā samundar meñ

aur kitnā tujhe maiñ mahkā.ūñ

aur ḳhushbū nahīñ gul-e-tar meñ

ek had tak hī yaar ko puujā

kaun paḌtā vafā ke chakkar meñ

apnī qismat badaltā rahtā hai

ik nujūmī hai har suḳhanvar meñ

ḳhud pe saare azaab le lūñgā

yaad karnā kabhī to mahshar meñ

dil ujaḌ jaate haiñ bahut lekin

koī martā nahīñ hai khanDar meñ

kis ke hisse kī bach ga.ī 'sohil'

aaj thoḌī sharāb sāġhar meñ

KHak samjhega koi pal-bhar mein

aag kis samt se lagi ghar mein

zehni pagal hain sirf mandir mein

koi shankar nahin hain patthar mein

log to is tarah se dekhe hain

jaise aaseb hon mere ghar mein

jis ne meri hansi KHushi chhini

ab talak jita hai isi Dar mein

ek kashti thi jaan ki dushman

chhoD kar aa gaya samundar mein

aur kitna tujhe main mahkaun

aur KHushbu nahin gul-e-tar mein

ek had tak hi yar ko puja

kaun paDta wafa ke chakkar mein

apni qismat badalta rahta hai

ek nujumi hai har suKHanwar mein

KHud pe sare azab le lunga

yaad karna kabhi to mahshar mein

dil ujaD jate hain bahut lekin

koi marta nahin hai khanDar mein

kis ke hisse ki bach gai 'sohil'

aaj thoDi sharab saghar mein