KHak se the KHak se hi ho gae

ḳhaak se the ḳhaak se hī ho ga.e

āsmāñ ko oḌh kar ham so ga.e

zindagī likh dī ḳhudā ne ret par

ham samundar ban ke is ko dho ga.e

kis liye ajdād ko ilzām deñ

un se jo bhī ban paḌā vo bo ga.e

justujū thī āsmānoñ kī jinheñ

vo zamīñ kī god meñ gum ho ga.e

kaun pūchhe ik musāfir ko jahāñ

kārvāñ ke kārvāñ hī kho ga.e

KHak se the KHak se hi ho gae

aasman ko oDh kar hum so gae

zindagi likh di KHuda ne ret par

hum samundar ban ke is ko dho gae

kis liye ajdad ko ilzam den

un se jo bhi ban paDa wo bo gae

justuju thi aasmanon ki jinhen

wo zamin ki god mein gum ho gae

kaun puchhe ek musafir ko jahan

karwan ke karwan hi kho gae