KHak tak mere aashiyane ki

ḳhaak tak mere āshiyāne kī

le uḌī hai havā zamāne kī

apnī taqdīr āzmāne kī

aarzū hai kisī ko paane kī

kyā karoge hamārā dil le kar

tum ko aadat hai bhuul jaane kī

sach kaho kis se pyaar hai tum ko

ham se kyā baat hai chhupāne kī

ham yūñhī chāhte raheñge tumheñ

ham ko parvā nahīñ zamāne kī

barq-o-bārāñ se pūchh ai bulbul

dāstāñ mere āshiyāne kī

koī tadbīr ai dil-e-nādāñ

baat bigḌī huī banāne kī

sāqiyā terī mai-fishāñ nazreñ

aabrū haiñ sharāb ḳhāne kī

ham ko pāmāl kar ga.ī 'nayyar'

har adā sañg-dil zamāne kī

KHak tak mere aashiyane ki

le uDi hai hawa zamane ki

apni taqdir aazmane ki

aarzu hai kisi ko pane ki

kya karoge hamara dil le kar

tum ko aadat hai bhul jaane ki

sach kaho kis se pyar hai tum ko

hum se kya baat hai chhupane ki

hum yunhi chahte rahenge tumhein

hum ko parwa nahin zamane ki

barq-o-baran se puchh ai bulbul

dastan mere aashiyane ki

koi tadbir ai dil-e-nadan

baat bigDi hui banane ki

saqiya teri mai-fishan nazren

aabru hain sharab KHane ki

hum ko pamal kar gai 'nayyar'

har ada sang-dil zamane ki