KHaksaron ke fan karare hain

ḳhāksāroñ ke fan karāre haiñ

ḳhaak oḌhe hue sharāre haiñ

aadmī ye bhī vo bhī saare haiñ

nit na.e rañg-rūp dhāre haiñ

kyoñ na ḳhud-bīñ hoñ māh-pāre haiñ

pyaar karte nahīñ jo pyāre haiñ

miT ga.e jo vafā kī rāhoñ meñ

kitne anmiT nishāñ ubhāre haiñ

kis se shikva ho bevafā.ī kā

ham to apnī vafā ke maare haiñ

yaas hī yaas tum hamāre ho

aas hī aas ham tumhāre haiñ

yaad terī baḌā sahārā hai

tujh ko bhūle to be-sahārā haiñ

yuuñ bujhe dil kī hasrateñ na kured

raakh ke Dher meñ sharāre haiñ

jin kī koī sahar na shaam koī

ham ne aise bhī din guzāre haiñ

kitne guzre haiñ hādse dil par

vo jo pyāre the dil ko pyāre haiñ

jaan levā haiñ pyaar ke rishte

un pe marte haiñ jin ke maare haiñ

ġham meñ hañstā ḳhushī meñ rotā hai

taur 'āmir' ke sab niyāre haiñ

KHaksaron ke fan karare hain

KHak oDhe hue sharare hain

aadmi ye bhi wo bhi sare hain

nit nae rang-rup dhaare hain

kyon na KHud-bin hon mah-pare hain

pyar karte nahin jo pyare hain

miT gae jo wafa ki rahon mein

kitne anmiT nishan ubhaare hain

kis se shikwa ho bewafai ka

hum to apni wafa ke mare hain

yas hi yas tum hamare ho

aas hi aas hum tumhaare hain

yaad teri baDa sahaara hai

tujh ko bhule to be-sahaara hain

yun bujhe dil ki hasraten na kured

rakh ke Dher mein sharare hain

jin ki koi sahar na sham koi

hum ne aise bhi din guzare hain

kitne guzre hain hadse dil par

wo jo pyare the dil ko pyare hain

jaan lewa hain pyar ke rishte

un pe marte hain jin ke mare hain

gham mein hansta KHushi mein rota hai

taur 'amir' ke sab niyare hain