Khaali duniya mein guzar kya karte

ḳhālī duniyā meñ guzar kyā karte

bin tire 'umr basar kyā karte

tū ne manzil hī badal dī apnī

ham tere saath safar kyā karte

ek hī ḳhvāb-e-junūñ kaafī thā

dekh kar baar digar kyā karte

apnī hī uljhanoñ meñ uljhe the

ham tirī zulf ko sar kyā karte

ham jo dīvāngī meñ kar guzre

aql vaale vo hunar kyā karte

jo kiyā tū ne ḳhudā jāntā hai

ham tire saath magar kyā karte

jabki raste meñ bikharnā hī thā

bāñdh kar raḳht-e-safar kyā karte

jism kā bojh liye lauTe the

shahr vāloñ ko ḳhabar kyā karte

jo kiyā tū ne ḳhudā jāntā hai

ham tire saath magar kyā karte

ḳhud zamīñ oḌh lī ki ham aage

aur be-samt safar kyā karte

KHali duniya mein guzar kya karte

bin tere 'umr basar kya karte

tu ne manzil hi badal di apni

hum tere sath safar kya karte

ek hi KHwab-e-junun kafi tha

dekh kar bar digar kya karte

apni hi uljhanon mein uljhe the

hum teri zulf ko sar kya karte

hum jo diwangi mein kar guzre

aql wale wo hunar kya karte

jo kiya tu ne KHuda jaanta hai

hum tere sath magar kya karte

jabki raste mein bikharna hi tha

bandh kar raKHt-e-safar kya karte

jism ka bojh liye lauTe the

shahr walon ko KHabar kya karte

jo kiya tu ne KHuda jaanta hai

hum tere sath magar kya karte

KHud zamin oDh li ki hum aage

aur be-samt safar kya karte