KHami-e-ishq hai izhaar-e-tamanna karna

ḳhāmī-e-ishq hai iz.hār-e-tamannā karnā

ai dil-e-zār na bhūle se bhī aisā karnā

ban paḌe kuchh na mohabbat meñ agar ai dil-e-zār

tujh ko lāzim hai asar aah meñ paidā karnā

ab ba-juz is ke nahīñ aur koī shaġhl pasand

aa gayā jab se unheñ ḳhūn-e-tamannā karnā

tum jo chāho to karam aaj bhī ho saktā hai

kuchh zarūrī to nahīñ va.ada-e-fardā karnā

ham ne ghar jalte hue dekhe haiñ is kī lau se

ishq kī sham.a se dil meñ na ujālā karnā

ek do sajde meñ kuchh maañg ḳhudā se zāhid

zeb detā nahīñ har roz taqāzā karnā

ik taraf ishq pe ilzām zamāne bhar ke

ik taraf shart ye rakh dī ki na lab vā karnā

dekh ai husn bharam is kā hai qaa.em ham se

har kisī se na kaheñ va.ada-e-fardā karnā

ye bhī kam-mā.egī-e-zarf hai āḳhir 'sāhir'

raaz maiḳhāne kā har bazm meñ rusvā karnā

KHami-e-ishq hai izhaar-e-tamanna karna

ai dil-e-zar na bhule se bhi aisa karna

ban paDe kuchh na mohabbat mein agar ai dil-e-zar

tujh ko lazim hai asar aah mein paida karna

ab ba-juz is ke nahin aur koi shaghl pasand

aa gaya jab se unhen KHun-e-tamanna karna

tum jo chaho to karam aaj bhi ho sakta hai

kuchh zaruri to nahin wada-e-farda karna

hum ne ghar jalte hue dekhe hain is ki lau se

ishq ki shama se dil mein na ujala karna

ek do sajde mein kuchh mang KHuda se zahid

zeb deta nahin har roz taqaza karna

ek taraf ishq pe ilzam zamane bhar ke

ek taraf shart ye rakh di ki na lab wa karna

dekh ai husn bharam is ka hai qaem hum se

har kisi se na kahen wada-e-farda karna

ye bhi kam-maegi-e-zarf hai aaKHir 'sahir'

raaz maiKHane ka har bazm mein ruswa karna