KHamosh nigahon se wo yalghaar ka hona

ḳhāmosh nigāhoñ se vo yalġhār kā honā

miltā hai nafī meñ kisī iqrār kā honā

mahfūz mire ḳhvāb ko batlātā nahīñ hai

ik aks-e-taraddud meñ nigah-dār kā honā

hairat meñ nahīñ Dāltā ab shahr-e-gumāñ ko

har roz lahū-rañg meñ aḳhbār kā honā

āsār-e-ta.alluq ko jalā detā hai aksar

gumnām kisī dard meñ ġham-ḳhvār kā honā

raste ke takalluf se chalo baat kareñ kuchh

mumkin nahīñ har moḌ pe ghar-bār kā honā

lamhoñ ke ishāroñ se ayaañ hone lagā hai

galiyoñ meñ mire yaar kī aġhyār kā honā

kartā hai bahut yaad shab-o-roz mirā dil

phūloñ ke nagar meñ rah-e-pur-ḳhār kā honā

aqlīm-e-jafā-kesh meñ tum dekhnā 'ja.afar'

lāzim hai pas-e-dar kisī dīvār kā honā

KHamosh nigahon se wo yalghaar ka hona

milta hai nafi mein kisi iqrar ka hona

mahfuz mere KHwab ko batlata nahin hai

ek aks-e-taraddud mein nigah-dar ka hona

hairat mein nahin Dalta ab shahr-e-guman ko

har roz lahu-rang mein aKHbar ka hona

aasar-e-talluq ko jala deta hai aksar

gumnam kisi dard mein gham-KHwar ka hona

raste ke takalluf se chalo baat karen kuchh

mumkin nahin har moD pe ghar-bar ka hona

lamhon ke ishaaron se ayan hone laga hai

galiyon mein mere yar ki aghyar ka hona

karta hai bahut yaad shab-o-roz mera dil

phulon ke nagar mein rah-e-pur-KHar ka hona

aqlim-e-jafa-kesh mein tum dekhna 'jafar'

lazim hai pas-e-dar kisi diwar ka hona