KHamosh sadaon se na paigham se aaya

ḳhāmosh sadāoñ se na paiġhām se aayā

vo husn mire paas kisī kaam se aayā

aayā to nazar aayā mujhe ḳhār-e-zarūrat

haa.e vo gul-e-ḳhās rah-e-ām se aayā

jab raat Dhalī yaad jigar chiir ke guzrī

vaise to ḳhayāl us kā mujhe shaam se aayā

āñchal se ubhar aa.e haiñ joban ke ḳham-o-pech

is sher meñ iblāġh bhī ib.hām se aayā

ye phuul mire qurb ke mausam ne khilā.e

ye rang tire ruḳh pe mire naam se aayā

taktā huuñ imārat kī falak-bos imārat

iflās mire ghar meñ usī baam se aayā

shohrat jo milī tujh ko bure kaam ne dī hai

jo naam tire paas hai dushnām se aayā

khaTke se khaTak jaa.e na dildār so 'nayyar'

ārām-gah-e-husn meñ ārām se aayā

KHamosh sadaon se na paigham se aaya

wo husn mere pas kisi kaam se aaya

aaya to nazar aaya mujhe KHar-e-zarurat

hae wo gul-e-KHas rah-e-am se aaya

jab raat Dhali yaad jigar chir ke guzri

waise to KHayal us ka mujhe sham se aaya

aanchal se ubhar aae hain joban ke KHam-o-pech

is sher mein iblagh bhi ibham se aaya

ye phul mere qurb ke mausam ne khilae

ye rang tere ruKH pe mere nam se aaya

takta hun imarat ki falak-bos imarat

iflas mere ghar mein usi baam se aaya

shohrat jo mili tujh ko bure kaam ne di hai

jo nam tere pas hai dushnam se aaya

khaTke se khaTak jae na dildar so 'nayyar'

aaram-gah-e-husn mein aaram se aaya