خانۂ دل کا جو طوائف ہے
خانۂ دل کا جو طوائف ہے
قصد بیت الحرم سے خائف ہے
آئنہ حسن کے صحیفے کا
لوح پرواز ہے صحائف ہے
گل رخوں میں لطیفہ گو ہیں ہزار
پر وہ گلدستۂ ظرائف ہے
ذکر تیرا بہ رب کعبہ صنم
ہم کو اوراد ہے وظائف ہے
کیا کہوں میں ظفرافتیں اس کی
بے سخن معدن ظرائف ہے
نشۂ ہوش سے یہ کیفیت
عالم کیف پر کوائف ہے
اے محبؔ کیجیے دل اس کی نظر
یہی تحفہ یہی تحائف ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
