KHanqah-o-dair mein jate hain hum

ḳhānqāh-o-dair meñ jaate haiñ ham

DhūñDhte jo haiñ nahīñ paate haiñ ham

jab se uryānī huā apnā libās

jaame se bāhar hue jaate haiñ ham

aur baḌhtā hai unheñ shauq-e-jafā

aañkh meñ aañsū jo bhar laate haiñ ham

vo jafā kar ke nahīñ hote ḳhajil

yaañ gila karne se sharmāte haiñ ham

ham se baḌh kar koī dīvāna nahīñ

dil se dīvāne ko samjhāte haiñ ham

KHanqah-o-dair mein jate hain hum

DhunDhte jo hain nahin pate hain hum

jab se uryani hua apna libas

jame se bahar hue jate hain hum

aur baDhta hai unhen shauq-e-jafa

aankh mein aansu jo bhar late hain hum

wo jafa kar ke nahin hote KHajil

yan gila karne se sharmate hain hum

hum se baDh kar koi diwana nahin

dil se diwane ko samjhate hain hum