Khaar-o-KHas faKHr-e-chaman hain gul-e-KHandan kam hai

ḳhār-o-ḳhas faḳhr-e-chaman haiñ gul-e-ḳhandāñ kam hai

baaġh vīrāna ziyāda hai gulistāñ kam hai

har masīhā ko junūñ jashn-e-masīhā.ī kā

har nafas dard kī tash.hīr hai darmāñ kam hai

bhuul jaate haiñ ki har zaḳhm zabāñ rakhtā hai

sochte haiñ ki mirī teġh numāyāñ kam hai

rahm ai chāra-garāñ hadd-e-rafū se guzre

chaak dāmāñ hai bahut tār-e-garebāñ kam hai

saa.e qātil nazar aate haiñ sadā.eñ dushman

ḳhauf hī ḳhauf hai ḳhatrāt kā irfāñ kam hai

vo na aa.eñ to bane dard kā darmāñ duurī

zulm to ye hai na aane kā bhī imkāñ kam hai

qurb-o-dūrī to faqat vaqt kī majbūrī hai

har ghaḌī aane kā imkāñ hai ye ehsāñ kam hai

KHar-o-KHas faKHr-e-chaman hain gul-e-KHandan kam hai

bagh virana ziyaada hai gulistan kam hai

har masiha ko junun jashn-e-masihai ka

har nafas dard ki tashhir hai darman kam hai

bhul jate hain ki har zaKHm zaban rakhta hai

sochte hain ki meri tegh numayan kam hai

rahm ai chaara-garan hadd-e-rafu se guzre

chaak daman hai bahut tar-e-gareban kam hai

sae qatil nazar aate hain sadaen dushman

KHauf hi KHauf hai KHatraat ka irfan kam hai

wo na aaen to bane dard ka darman duri

zulm to ye hai na aane ka bhi imkan kam hai

qurb-o-duri to faqat waqt ki majburi hai

har ghaDi aane ka imkan hai ye ehsan kam hai