KHashak se KHizan mein raha nam bagh ka
ḳhāshāk se ḳhizāñ meñ rahā naam baaġh kā
varna to har daraḳht pe qabza hai zaaġh kā
hairat hai sab talāsh pe us kī rahe musir
paayā gayā surāġh na jis be-surāġh kā
hai irtikāz-e-zāt meñ vaqfa zarā sī der
TuuTā nahīñ hai rābta lau se charāġh kā
kab kis pe mehrbān ho aur kab ulaT paḌe
kis ko yahāñ patā hai kisī ke dimāġh kā
hotā hai phir vo aur kisī yaad ke supurd
rakhtā huuñ jo sambhāl ke lamha farāġh kā
mashq-e-suḳhan meñ dil bhī hamesha se hai sharīk
lekin hai is meñ kaam ziyāda dimāġh kā
KHashak se KHizan mein raha nam bagh ka
warna to har daraKHt pe qabza hai zagh ka
hairat hai sab talash pe us ki rahe musir
paya gaya suragh na jis be-suragh ka
hai irtikaz-e-zat mein waqfa zara si der
TuTa nahin hai rabta lau se charagh ka
kab kis pe mehrban ho aur kab ulaT paDe
kis ko yahan pata hai kisi ke dimagh ka
hota hai phir wo aur kisi yaad ke supurd
rakhta hun jo sambhaal ke lamha faragh ka
mashq-e-suKHan mein dil bhi hamesha se hai sharik
lekin hai is mein kaam ziyaada dimagh ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
