KHatir se ghubar dho gae hum

ḳhātir se ġhubār dho ga.e ham

jitnā ki hañse the ro ga.e ham

jab dekhā nigāh-e-mahr se yaar

jiyūñ zarra kuchh aur ho ga.e ham

ġhaflat pe na hone paa.e hoshyār

Tuk aañkh khulī ki so ga.e ham

tujh ishq ke soz meñ sarāpā

jiyūñ sham-e-gudāz ho ga.e ham

is bahr pe ro ke misl-e-nīsāñ

go apnā nishāñ Dubo ga.e ham

ai ishq ba-qaul-e-'dard' sach hai

kuchh laa.e na the ki kho ga.e ham

KHatir se ghubar dho gae hum

jitna ki hanse the ro gae hum

jab dekha nigah-e-mahr se yar

jiyun zarra kuchh aur ho gae hum

ghaflat pe na hone pae hoshyar

Tuk aankh khuli ki so gae hum

tujh ishq ke soz mein sarapa

jiyun sham-e-gudaz ho gae hum

is bahr pe ro ke misl-e-nisan

go apna nishan Dubo gae hum

ai ishq ba-qaul-e-'dard' sach hai

kuchh lae na the ki kho gae hum