KHabar nahin kai din se wo diq hai ya KHush hai

ḳhabar nahīñ ka.ī din se vo diq hai yā ḳhush hai

ḳhushī tabhī ho ki jab sun luuñ dil-rubā ḳhush hai

zarā bhī bigḌe to bigḌe zamāna sab mujh se

ḳhushī hai vo to har ik dost āshnā ḳhush hai

paḌā huuñ jab se ki bīmār ho ke maiñ ghar meñ

har ek ġhair adāvat se phirtā kyā ḳhush hai

magar hai us kī ināyat to ġham nahīñ kuchh bhī

vo mujh se ḳhush rahe bas phir to dil mirā ḳhush hai

maiñ ek ġham nahīñ sau jaan par uThā lūñgā

mire satāne se kah de ki dil tirā ḳhush hai

sabab to kuchh nahīñ ma.alūm haa.e kyā maiñ karūñ

vo aap hī aap ka.ī din se mujh se nā-ḳhush hai

vo baat kaun sī hai jo nahīñ samajhte ham

fareb de ke hameñ kyuuñ tū bevafā ḳhush hai

'nizām' kaun sā din ho jo vaañ pe jā.ūñ maiñ

kaheñ vo hañs ke mizāj ab to aap kā ḳhush hai

KHabar nahin kai din se wo diq hai ya KHush hai

KHushi tabhi ho ki jab sun lun dil-ruba KHush hai

zara bhi bigDe to bigDe zamana sab mujh se

KHushi hai wo to har ek dost aashna KHush hai

paDa hun jab se ki bimar ho ke main ghar mein

har ek ghair adawat se phirta kya KHush hai

magar hai us ki inayat to gham nahin kuchh bhi

wo mujh se KHush rahe bas phir to dil mera KHush hai

main ek gham nahin sau jaan par uTha lunga

mere satane se kah de ki dil tera KHush hai

sabab to kuchh nahin malum hae kya main karun

wo aap hi aap kai din se mujh se na-KHush hai

wo baat kaun si hai jo nahin samajhte hum

fareb de ke hamein kyun tu bewafa KHush hai

'nizam' kaun sa din ho jo wan pe jaun main

kahen wo hans ke mizaj ab to aap ka KHush hai