KHabar nahin ki safar hai ki hai qayam abhi

ḳhabar nahīñ ki safar hai ki hai qayām abhī

tilism-e-shahr meñ kho.e haiñ ḳhās-o-ām abhī

sadā bhī degā kabhī to sukūt kā sahrā

kisī ko hone to do ḳhud se ham-kalām abhī

jo dekhiye to zamāna hai tez-rau kitnā

tulū-e-sub.h abhī hai to vaqt-e-shām abhī

vo qaht-e-āb hai dariyā bhī saare ḳhushk hue

ravāñ jo abr hai kartā nahīñ qayām abhī

ab ittifāq se bach kar nikal ga.e to kyā

rah-e-talab meñ to 'nādir' haiñ kitne daam abhī

KHabar nahin ki safar hai ki hai qayam abhi

tilism-e-shahr mein khoe hain KHas-o-am abhi

sada bhi dega kabhi to sukut ka sahra

kisi ko hone to do KHud se ham-kalam abhi

jo dekhiye to zamana hai tez-rau kitna

tulu-e-subh abhi hai to waqt-e-sham abhi

wo qaht-e-ab hai dariya bhi sare KHushk hue

rawan jo abr hai karta nahin qayam abhi

ab ittifaq se bach kar nikal gae to kya

rah-e-talab mein to 'nadir' hain kitne dam abhi