KHabar ye mili thi jafa masala hai

ḳhabar ye milī thī jafā mas.ala hai

magar dekhtā huuñ anā mas.ala hai

miyāñ ishq to hai balā kā hai lekin

vo jis se hai us kī razā mas.ala hai

mujhe maut se Dar nahīñ lagtā lekin

namāzeñ huī haiñ qazā mas.ala hai

tumheñ mil gayā hai binā māñge hī sab

tumhāre liye to duā mas.ala hai

charāġhoñ kī koī shikāyat na karnā

havā aag meñ thī havā mas.ala hai

na be-rozgārī na ġhurbat na nashsha

abhī ishq sab se baḌā mas.ala hai

judā.ī pe dhaḌkan ko sambhāl letā

magar saañs kā ai ḳhudā mas.ala hai

yahāñ aur koī ḳharābī nahīñ yaar

tirī duniyā meñ bas vafā mas.ala hai

KHabar ye mili thi jafa masala hai

magar dekhta hun ana masala hai

miyan ishq to hai bala ka hai lekin

wo jis se hai us ki raza masala hai

mujhe maut se Dar nahin lagta lekin

namazen hui hain qaza masala hai

tumhein mil gaya hai bina mange hi sab

tumhaare liye to dua masala hai

charaghon ki koi shikayat na karna

hawa aag mein thi hawa masala hai

na be-rozgari na ghurbat na nashsha

abhi ishq sab se baDa masala hai

judai pe dhaDkan ko sambhaal leta

magar sans ka ai KHuda masala hai

yahan aur koi KHarabi nahin yar

teri duniya mein bas wafa masala hai