KHabt-e-azmat mein giraftar nahin bhi hote
ḳhabt-e-azmat meñ giraftār nahīñ bhī hote
log kuchh bā.is-e-āzār nahīñ bhī hote
pas-e-bāzār bhī bik jaate haiñ bikne vaale
kitne saude sar-e-bāzār nahīñ bhī hote
yuuñ bhī hotā hai kisī pal ki mozāhim hālāt
raah de dete haiñ dīvār nahīñ bhī hote
ik tamāshā sā ba-har-hāl lagā rahtā hai
manzar-e-ām pe kirdār nahīñ bhī hote
baar to hote haiñ duniyā ke jhamele aksar
vaise kuchh baar girāñ-bār nahīñ bhī hote
pārsā.ī bhī kahīñ Dhoñg huā kartī hai
kuchh gunahgār gunahgār nahīñ bhī hote
KHabt-e-azmat mein giraftar nahin bhi hote
log kuchh bais-e-azar nahin bhi hote
pas-e-bazar bhi bik jate hain bikne wale
kitne saude sar-e-bazar nahin bhi hote
yun bhi hota hai kisi pal ki mozahim haalat
rah de dete hain diwar nahin bhi hote
ek tamasha sa ba-har-haal laga rahta hai
manzar-e-am pe kirdar nahin bhi hote
bar to hote hain duniya ke jhamele aksar
waise kuchh bar giran-bar nahin bhi hote
parsai bhi kahin Dhong hua karti hai
kuchh gunahgar gunahgar nahin bhi hote
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
