KHala se inKHila tak chal ke aae

ḳhalā se inḳhilā tak chal ke aa.e

ham apne nāḳhudā tak chal ke aa.e

ghuTan dil meñ baserā chāhtī thī

qadam dasht-e-balā tak chal ke aa.e

husainī pyaas ko sochā thā maiñ ne

samundar nainvā tak chal ke aa.e

use kahnā mohabbat muztarib hai

use kahnā ḳhudā tak chal ke aa.e

ham apnī zaat meñ bahlol 'hāris'

saḳhā kī intihā tak chal ke aa.e

KHala se inKHila tak chal ke aae

hum apne naKHuda tak chal ke aae

ghuTan dil mein basera chahti thi

qadam dasht-e-bala tak chal ke aae

husaini pyas ko socha tha main ne

samundar nainwa tak chal ke aae

use kahna mohabbat muztarib hai

use kahna KHuda tak chal ke aae

hum apni zat mein bahlol 'haaris'

saKHa ki intiha tak chal ke aae