KHalish-e-nihan ki wo lazzaten tumhein yaad hon ki na yaad hon

ḳhalish-e-nihāñ kī vo lazzateñ tumheñ yaad hoñ ki na yaad hoñ

vo nafas nafas meñ qayāmateñ tumheñ yaad hoñ ki na yaad hoñ

kabhī qurbatoñ meñ ye dūriyāñ ki zabān dil kī na kah sake

kabhī dūriyoñ meñ bhī qurbateñ tumheñ yaad hoñ ki na yaad hoñ

vo junūn-e-shauq kī mastiyāñ vo niyāz-o-nāz kī garmiyāñ

vo nazar nazar meñ hikāyateñ tumheñ yaad hoñ ki na yaad hoñ

kabhī shikva-hā-e-itāb meñ bhī hazār shukr kī jhalkiyāñ

kabhī shukr meñ bhī shikāyateñ tumheñ yaad hoñ ki na yaad hoñ

vo tumhārā 'shāriq'-e-be-navā ki nahīñ hai jis kā koī yahāñ

vo vafā kī us kī hikāyateñ tumheñ yaad hoñ ki na yaad hoñ

KHalish-e-nihan ki wo lazzaten tumhein yaad hon ki na yaad hon

wo nafas nafas mein qayamaten tumhein yaad hon ki na yaad hon

kabhi qurbaton mein ye duriyan ki zaban dil ki na kah sake

kabhi duriyon mein bhi qurbaten tumhein yaad hon ki na yaad hon

wo junun-e-shauq ki mastiyan wo niyaz-o-naz ki garmiyan

wo nazar nazar mein hikayaten tumhein yaad hon ki na yaad hon

kabhi shikwa-ha-e-itab mein bhi hazar shukr ki jhalkiyan

kabhi shukr mein bhi shikayaten tumhein yaad hon ki na yaad hon

wo tumhaara 'shaariq'-e-be-nawa ki nahin hai jis ka koi yahan

wo wafa ki us ki hikayaten tumhein yaad hon ki na yaad hon