KHalq ne ek manzar nahin dekha bahut dinon se
ḳhalq ne ik manzar nahīñ dekhā bahut dinoñ se
nok-e-sināñ pe sar nahīñ dekhā bahut dinoñ se
patthar pe sar rakh kar sone vaale dekhe
hāthoñ meñ patthar nahīñ dekhā bahut dinoñ se
qātil jis kī zad se ḳhud mahfūz rah sake
aisā koī ḳhanjar nahīñ dekhā bahut dinoñ se
apne hī ḳhemoñ par jo shab-ḳhūn na maare
aisā koī lashkar nahīñ dekhā bahut dinoñ se
shāḳh-e-burīda khulī fazā se pūchh rahī hai
koī shikasta-par nahīñ dekhā bahut dinoñ se
zindāñ ahl-e-junūñ ko shāyad raas aa gayā
dīvāroñ meñ dar nahīñ dekhā bahut dinoñ se
ḳhaak uḌāne vaale logoñ kī bastī meñ
koī sūrat-gar nahīñ dekhā bahut dinoñ se
sachche sā.īñ hamāre 'hazrat-mehr-alī-shāh'
baabā ham ne ghar nahīñ dekhā bahut dinoñ se
KHalq ne ek manzar nahin dekha bahut dinon se
nok-e-sinan pe sar nahin dekha bahut dinon se
patthar pe sar rakh kar sone wale dekhe
hathon mein patthar nahin dekha bahut dinon se
qatil jis ki zad se KHud mahfuz rah sake
aisa koi KHanjar nahin dekha bahut dinon se
apne hi KHemon par jo shab-KHun na mare
aisa koi lashkar nahin dekha bahut dinon se
shaKH-e-burida khuli faza se puchh rahi hai
koi shikasta-par nahin dekha bahut dinon se
zindan ahl-e-junun ko shayad ras aa gaya
diwaron mein dar nahin dekha bahut dinon se
KHak uDane wale logon ki basti mein
koi surat-gar nahin dekha bahut dinon se
sachche sain hamare 'hazrat-mehr-ali-shah'
baba hum ne ghar nahin dekha bahut dinon se
- Book : Mahr-e-Do Neem (Pg. 60)
- Author : iftekhaar aarif
- Publication : Educational Publishing House (1999)
- Edition : 1999
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
