خلوت یک سرد میں جب مثل آئینہ کھلا

خلوت یک سرد میں جب مثل آئینہ کھلا

کیا فراوانی لیے ہم پر وہ گنجینہ کھلا

یہ ریاضت زندگی بھر کی وصال آمیز ہے

جب وہ پیراہن کھلا تو شوق دیرینہ کھلا

کن خنک آثار موسم میں یہ دل مائل ہوا

جام چھلکے جا رہے تھے جب وہ سازینہ کھلا

دہر ہو یا بزم ہو کم کم ہی ہوتا ہے کرم

اس کو نا بینا نہ سمجھو جس پہ وہ بینا کھلا

وحشت آئندگاں میں خاک ہیں سب خال و خد

اک نظر بھر کر جو دیکھا عکس پارینہ کھلا

خوب تھا پہر عنایت اپنی حیرانی کے ساتھ

آج ہی کی شب تھی شاید جب وہ آئینہ کھلا