KHalwat-e-yak-sard mein jab misl-e-aina khula

ḳhalvat-e-yak-sard meñ jab misl-e-ā.īna khulā

kyā farāvānī liye ham par vo ganjīna khulā

ye riyāzat zindagī bhar kī visāl-āmez hai

jab vo pairāhan khulā to shauq-e-derīna khulā

kin ḳhunuk-āsār mausam meñ ye dil maa.il huā

jaam chhalke jā rahe the jab vo sāzīna khulā

dahr ho yā bazm ho kam-kam hī hotā hai karam

us ko nā-bīnā na samjho jis pe vo biinā khulā

vahshat-e-ā.indagāñ meñ ḳhaak haiñ sab ḳhāl-o-ḳhad

ik nazar bhar kar jo dekhā 'aks-e-pārīna khulā

ḳhuub thā pahr-e-'ināyat apnī hairānī ke saath

aaj hī kī shab thī shāyad jab vo ā.īna khulā

KHalwat-e-yak-sard mein jab misl-e-aina khula

kya farawani liye hum par wo ganjina khula

ye riyazat zindagi bhar ki visal-amez hai

jab wo pairahan khula to shauq-e-derina khula

kin KHunuk-asar mausam mein ye dil mail hua

jam chhalke ja rahe the jab wo sazina khula

dahr ho ya bazm ho kam-kam hi hota hai karam

us ko na-bina na samjho jis pe wo bina khula

wahshat-e-aindagan mein KHak hain sab KHal-o-KHad

ek nazar bhar kar jo dekha 'aks-e-parina khula

KHub tha pahr-e-'inayat apni hairani ke sath

aaj hi ki shab thi shayad jab wo aaina khula