KHalwat mein jo dil-dar ki wahshat nahin karte

ḳhalvat meñ jo dil-dār kī vahshat nahīñ karte

vo rāh-e-tasavvuf meñ karāmat nahīñ karte

Thokar meñ paḌā rahtā hai ye 'ālam-e-rangīñ

dīvāne to mar jaate haiñ bai'at nahīñ karte

maqbūl-e-ḳhudā hone kī chāhat meñ ham aise

dil khol ke dushman se bhī nafrat nahīñ karte

ham ghar hī faqat jaa.eñ nahīñ aisā nahīñ hai

sahrā bhī chale jaate haiñ bid'at nahīñ karte

kyā dekh rahā hai tū is andāz-e-hunar ko

ham she'r-o-suḳhan bā’is-e-shohrat nahīñ karte

nazrāne meñ jo sar nahīñ de sakte haiñ 'jānī'

vo saltanat-e-‘ishq kī hasrat nahīñ karte

KHalwat mein jo dil-dar ki wahshat nahin karte

wo rah-e-tasawwuf mein karamat nahin karte

Thokar mein paDa rahta hai ye 'alam-e-rangin

diwane to mar jate hain bai'at nahin karte

maqbul-e-KHuda hone ki chahat mein hum aise

dil khol ke dushman se bhi nafrat nahin karte

hum ghar hi faqat jaen nahin aisa nahin hai

sahra bhi chale jate hain bid'at nahin karte

kya dekh raha hai tu is andaz-e-hunar ko

hum she'r-o-suKHan ba’is-e-shohrat nahin karte

nazrane mein jo sar nahin de sakte hain 'jaani'

wo saltanat-e-‘ishq ki hasrat nahin karte