hath mein kya nahin ki tum se kahen

haath meñ kyā nahīñ ki tum se kaheñ

ham ko zebā nahīñ ki tum se kaheñ

dil kisī vaj.h se dukhī hai magar

kuchh bhī aisā nahīñ ki tum se kaheñ

zehn uljhā huā hai kuchh din se

lekin itnā nahīñ ki tum se kaheñ

varna ab tak na kah chuke hote

kabhī chāhā nahīñ ki tum se kaheñ

ḳhāmushī ashk rog marg farār

ek rasta nahīñ ki tum se kaheñ

tum ko aatā nahīñ ki ham se kaho

ham se hotā nahīñ ki tum se kaheñ

kahe dete haiñ dil kī baat chalo

ḳhair bantā nahīñ ki tum se kaheñ

yūñhī ik kaifiyat sī hai 'javvād'

koī qissa nahīñ ki tum se kaheñ

hath mein kya nahin ki tum se kahen

hum ko zeba nahin ki tum se kahen

dil kisi wajh se dukhi hai magar

kuchh bhi aisa nahin ki tum se kahen

zehn uljha hua hai kuchh din se

lekin itna nahin ki tum se kahen

warna ab tak na kah chuke hote

kabhi chaha nahin ki tum se kahen

KHamushi ashk rog marg farar

ek rasta nahin ki tum se kahen

tum ko aata nahin ki hum se kaho

hum se hota nahin ki tum se kahen

kahe dete hain dil ki baat chalo

KHair banta nahin ki tum se kahen

yunhi ek kaifiyat si hai 'jawwad'

koi qissa nahin ki tum se kahen