siskiyan leti hui ghamgin hawao chup raho

Qateel Shifai

siskiyan leti hui ghamgin hawao chup raho

Qateel Shifai

MORE BYQateel Shifai

    siskiyāñ letī huī ġhamgīñ havāo chup raho

    so rahe haiñ dard un ko mat jagāo chup raho

    raat patthar na pighlegā shuāoñ ke baġhair

    sub.h hone tak na bolo ham-navāo chup raho

    band haiñ sab mai-kade saaqī bane haiñ mohtasib

    ai garajtī gūñjtī kaalī ghatāo chup raho

    tum ko hai mālūm āḳhir kaun mausam hai ye

    fasl-e-gul aane talak ai ḳhush-navāo chup raho

    soch dīvār se lag kar haiñ ġham baiThe hue

    dil meñ bhī naġhma na koī gungunāo chup raho

    chhaT ga.e hālāt ke bādal to dekhā jā.egā

    vaqt se pahle añdhere meñ na jaao chup raho

    dekh lenā ghar se niklegā na ham-sāya koī

    ai mire yaaro mire dard-āshnāo chup raho

    kyuuñ sharīk-e-ġham banāte ho kisī ko ai 'qatīl'

    apnī suulī apne kāñdhe par uThāo chup raho

    siskiyan leti hui ghamgin hawao chup raho

    so rahe hain dard un ko mat jagao chup raho

    raat ka patthar na pighlega shuaon ke baghair

    subh hone tak na bolo ham-nawao chup raho

    band hain sab mai-kade saqi bane hain mohtasib

    ai garajti gunjti kali ghatao chup raho

    tum ko hai malum aaKHir kaun sa mausam hai ye

    fasl-e-gul aane talak ai KHush-nawao chup raho

    soch ki diwar se lag kar hain gham baiThe hue

    dil mein bhi naghma na koi gungunao chup raho

    chhaT gae haalat ke baadal to dekha jaega

    waqt se pahle andhere mein na jao chup raho

    dekh lena ghar se niklega na ham-saya koi

    ai mere yaro mere dard-ashnao chup raho

    kyun sharik-e-gham banate ho kisi ko ai 'qatil'

    apni suli apne kandhe par uThao chup raho

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now