KHanjar ne hi chhoDa tha na marne mein guman aur

ḳhanjar ne hī chhoḌā thā na marne meñ gumāñ aur

kyoñ laa.e mire qatl ko vo tīr-o-kamāñ aur

kam-zarf kabhī josh-e-mohabbat meñ laboñ par

karte haiñ himāqat to ubhartā hai nishāñ aur

be-ḳhauf-o-ḳhatar aa ke jahāñ sote hoñ Dangar

kyā mere makāñ sā hai koī ḳhasta makāñ aur

doctor ne kahā muñh meñ mire aalā lagā kar

aañ aañ se miyāñ kījiye bāhar ko zabāñ aur

ham bhī to zarā dekheñ bahut kahte haiñ 'ġhālib'

le ā.eñge bāzār se jā kar dil-o-jāñ aur

haiñ aur bhī duniyā meñ hazal-go bahut achchhe

kahte haiñ ki hai 'rāz' kā andāz-e-bayāñ aur

KHanjar ne hi chhoDa tha na marne mein guman aur

kyon lae mere qatl ko wo tir-o-kaman aur

kam-zarf kabhi josh-e-mohabbat mein labon par

karte hain himaqat to ubharta hai nishan aur

be-KHauf-o-KHatar aa ke jahan sote hon Dangar

kya mere makan sa hai koi KHasta makan aur

doctor ne kaha munh mein mere aala laga kar

aan aan se miyan kijiye bahar ko zaban aur

hum bhi to zara dekhen bahut kahte hain 'ghaalib'

le aaenge bazar se ja kar dil-o-jaan aur

hain aur bhi duniya mein hazal-go bahut achchhe

kahte hain ki hai 'raaz' ka andaz-e-bayan aur