KHata gaya jo nishana kaman badalta hai
ḳhatā gayā jo nishāna kamāñ badaltā hai
nahīñ tamīz-e-rihā.ish makāñ badaltā hai
kahānī ye thī ki sab saath mil ke rahte haiñ
phir is ke ba.ad achānak samāñ badaltā hai
ham us kī raah meñ āñkheñ bichhā ke dekh chuke
magar vo jaan kā dushman kahāñ badaltā hai
amīr-e-shahr tanavvo-pasand hai 'ḳhālid'
libās-e-nau ke mutābiq zabāñ badaltā hai
KHata gaya jo nishana kaman badalta hai
nahin tamiz-e-rihaish makan badalta hai
kahani ye thi ki sab sath mil ke rahte hain
phir is ke baad achanak saman badalta hai
hum us ki rah mein aankhen bichha ke dekh chuke
magar wo jaan ka dushman kahan badalta hai
amir-e-shahr tanawwo-pasand hai 'KHalid'
libas-e-nau ke mutabiq zaban badalta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
