khaTak rahi hai ghuTan ki ye bud-o-bash mujhe

khaTak rahī hai ghuTan kī ye būd-o-bāsh mujhe

paḌā huuñ maiñ kisī patthar meñ tū tarāsh mujhe

mulā.emat se nafāsat se chhū mirā paikar

aur aise chhū ki na aa.e koī ḳharāsh mujhe

idhar-udhar ke ilāqoñ meñ DhūñDhtā hai kyā

maiñ tere dil meñ chhupā huuñ vahāñ talāsh mujhe

safed kāñch ke pul par pahuñch ke sochtā huuñ

mirā ġhurūr hī kar de na pāsh-pāsh mujhe

maiñ puure qad se khaḌā huuñ suḳhan sarā.e meñ

lage rahe haiñ girāne meñ bad-ma.āsh mujhe

badan meñ ḳhuun kī shāyad kamī huī paidā

kahīñ bhī sangtare kī milī na qaash mujhe

jamāl-o-husn ke pahlū kī dhuup hai darkār

ai 'āftāb'-e-tamanna na kar nirāsh mujhe

khaTak rahi hai ghuTan ki ye bud-o-bash mujhe

paDa hun main kisi patthar mein tu tarash mujhe

mulaemat se nafasat se chhu mera paikar

aur aise chhu ki na aae koi KHarash mujhe

idhar-udhar ke ilaqon mein DhunDhta hai kya

main tere dil mein chhupa hun wahan talash mujhe

safed kanch ke pul par pahunch ke sochta hun

mera ghurur hi kar de na pash-pash mujhe

main pure qad se khaDa hun suKHan sarae mein

lage rahe hain girane mein bad-maash mujhe

badan mein KHun ki shayad kami hui paida

kahin bhi sangtare ki mili na qash mujhe

jamal-o-husn ke pahlu ki dhup hai darkar

ai 'aftab'-e-tamanna na kar nirash mujhe