KHatar hawa-e-muKhaalif ka darmiyan mein tha

ḳhatar havā-e-muḳhālif kā darmiyān meñ thā

magar parinda magan apnī hī uḌaan meñ thā

hamārā jurm to yaksāñ thā par giraft ke ba.ad

vo shaḳhs ho ke na ho maiñ to imtihān meñ thā

hameñ hamārī zabāñ meñ sazā sunā.ī ga.ī

magar qusūr likhā jaane kis zabān meñ thā

tamām shahr pe ġhālib thā dhuup kā lashkar

fasīl-e-shahr ke bāhar maiñ sā.ebān meñ thā

vatan-parastoñ ne tārīḳh hī badal Daalī

nahīñ to zikr hamārā bhī dāstān meñ thā

ma.e musāfir-o-mallāh naav Duub ga.ī

'navāz' naqs rakhā jaise bādbān meñ thā

KHatar hawa-e-muKHalif ka darmiyan mein tha

magar parinda magan apni hi uDan mein tha

hamara jurm to yaksan tha par giraft ke baad

wo shaKHs ho ke na ho main to imtihan mein tha

hamein hamari zaban mein saza sunai gai

magar qusur likha jaane kis zaban mein tha

tamam shahr pe ghaalib tha dhup ka lashkar

fasil-e-shahr ke bahar main saeban mein tha

watan-paraston ne tariKH hi badal Dali

nahin to zikr hamara bhi dastan mein tha

mae musafir-o-mallah naw Dub gai

'nawaz' naqs rakha jaise baadban mein tha