KHatm hui shab-e-wafa KHwab ke silsile gae

ḳhatm huī shab-e-vafā ḳhvāb ke silsile ga.e

jis dar-e-nīm-bāz ke pesh the marhale ga.e

jo rag-e-abr-o-bād se tā-ba-rag-e-junūñ raheñ

ishq kī vo hikāyateñ husn ke vo gile ga.e

shukr-o-sipās kā maza de hī gayā sukūt-e-yār

vasl-o-firāq se alag dard ke hausle ga.e

ik mire ham-kanār kī mujh se qarīb aa ke raat

ḳhema-e-dard ho ga.ī qurb ke valvale ga.e

dasht meñ qaht-e-āb se hijrat-e-tā.irāñ ke ba.ad

sair-pasand-o-tar-nafas abr ke qāfile ga.e

ai ye fasūn-e-dilbarī tāza-ruḳh-o-siyāh-chashm

manzil-e-qurb bhī ga.ī tujh se na fāsle ga.e

niiñd meñ mahvashān-e-shahr bosa-e-āshiqāñ kī ḳhair

shab-ba-havā-e-narm-sair sub.h huī sile ga.e

ai ruḳh-e-tāza-jahāñ raat to ab bhī hai garāñ

sham-e-hazār-rañg tak yuuñ tire silsile ga.e

dāman-e-dil kī oT se ek shab-e-firāq kyā

daur-e-taġhayyur-e-jahāñ sab tire qāfile ga.e

KHatm hui shab-e-wafa KHwab ke silsile gae

jis dar-e-nim-baz ke pesh the marhale gae

jo rag-e-abr-o-baad se ta-ba-rag-e-junun rahen

ishq ki wo hikayaten husn ke wo gile gae

shukr-o-sipas ka maza de hi gaya sukut-e-yar

wasl-o-firaq se alag dard ke hausle gae

ek mere ham-kanar ki mujh se qarib aa ke raat

KHema-e-dard ho gai qurb ke walwale gae

dasht mein qaht-e-ab se hijrat-e-tairan ke baad

sair-pasand-o-tar-nafas abr ke qafile gae

ai ye fasun-e-dilbari taza-ruKH-o-siyah-chashm

manzil-e-qurb bhi gai tujh se na fasle gae

nind mein mahwashan-e-shahr bosa-e-ashiqan ki KHair

shab-ba-hawa-e-narm-sair subh hui sile gae

ai ruKH-e-taza-jahan raat to ab bhi hai garan

sham-e-hazar-rang tak yun tere silsile gae

daman-e-dil ki oT se ek shab-e-firaq kya

daur-e-taghayyur-e-jahan sab tere qafile gae