KHatm is tarah naza-e-haq-o-baatil ho jae
ḳhatm is tarah nazā-e-haq-o-bātil ho jaa.e
ik taraf donoñ jahāñ ek taraf dil ho jaa.e
dil meñ vo shorish-e-jazbāt vo garmī na rahī
ab ye shāyad nigah-e-dost ke qābil ho jaa.e
jāntā huuñ ki vafā jī se guzarnā hai magar
yuuñ na de ta.an ki jiinā mujhe mushkil ho jaa.e
do-jahāñ tark-e-mohabbat meñ kiye tere liye
aur bezār jo tujh se bhī mirā dil ho jaa.e
qadr-e-insāñ hai abhī bazm-e-adam meñ 'sīmāb'
kyuuñ vo duniyā meñ rahe jo kisī qābil ho jaa.e
KHatm is tarah naza-e-haq-o-baatil ho jae
ek taraf donon jahan ek taraf dil ho jae
dil mein wo shorish-e-jazbaat wo garmi na rahi
ab ye shayad nigah-e-dost ke qabil ho jae
jaanta hun ki wafa ji se guzarna hai magar
yun na de tan ki jina mujhe mushkil ho jae
do-jahan tark-e-mohabbat mein kiye tere liye
aur bezar jo tujh se bhi mera dil ho jae
qadr-e-insan hai abhi bazm-e-adam mein 'simab'
kyun wo duniya mein rahe jo kisi qabil ho jae
- Book : Intekhab-e-Sukhan(Jild-2) (Pg. 254)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
