KHayal-e-anjam-e-arzu tha ki ek jhonka tha tez lu ka

ḳhayāl-e-anjām-e-ārzū thā ki ek jhoñkā thā tez lū kā

jhulas gayā vo hasīn paudā jo nāz-parvarda thā numū kā

hazāroñ is mai-kade meñ aa kar chale ga.e tishnagī bujhā kar

magar mirā nāz-e-tishna-kāmī tavāf kartā rahā subū kā

hikāyat-e-chashm-e-nāz tujh se hadīs-e-rāz-o-niyāz tujh se

ye soz tujh se ye saaz tujh se ki tū muharrik hai aarzū kā

nazar ke jaadū sulā diye haiñ diloñ ke sho.ale bujhā diye haiñ

hijāb ham ne uThā diye haiñ tilism toḌā hai rañg-o-bū kā

hasīn hoñToñ kī thartharāhaT se dahan-e-shā.ir meñ thartharī hai

surūr chhāyā huā hai dil par kisī kī ḳhāmosh guftugū kā

haqīqat aa.egī sāmne jab to phir fasāna kahāñ rahegā

tumhārā afsūñ rahe salāmat tilism toḌo na rañg-o-bū kā

tabī.at ik anjuman banī hai hayāt 'ehsā۔n' dulhan banī hai

tamām duniyā chaman banī hai ye faiz hai kis kī aarzū kā

KHayal-e-anjam-e-arzu tha ki ek jhonka tha tez lu ka

jhulas gaya wo hasin pauda jo naz-parwarda tha numu ka

hazaron is mai-kade mein aa kar chale gae tishnagi bujha kar

magar mera naz-e-tishna-kaami tawaf karta raha subu ka

hikayat-e-chashm-e-naz tujh se hadis-e-raaz-o-niyaz tujh se

ye soz tujh se ye saz tujh se ki tu muharrik hai aarzu ka

nazar ke jadu sula diye hain dilon ke shoale bujha diye hain

hijab hum ne uTha diye hain tilism toDa hai rang-o-bu ka

hasin honTon ki thartharahaT se dahan-e-shair mein tharthari hai

surur chhaya hua hai dil par kisi ki KHamosh guftugu ka

haqiqat aaegi samne jab to phir fasana kahan rahega

tumhaara afsun rahe salamat tilism toDo na rang-o-bu ka

tabiat ek anjuman bani hai hayat 'ehsa۔n' dulhan bani hai

tamam duniya chaman bani hai ye faiz hai kis ki aarzu ka