KHayal-e-nawak-e-mizhgan mein bas hum sar paTakte hain
KHayal-e-nawak-e-mizhgan mein bas hum sar paTakte hain
Bhartendu Harishchandra
MORE BYBhartendu Harishchandra
ḳhayāl-e-nāvak-e-mizhgāñ meñ bas ham sar paTakte haiñ
hamāre dil meñ muddat se ye ḳhār-e-ġham khaTakte haiñ
ruḳh-e-raushan pe us kī gesū-e-shab-gūñ laTakte haiñ
qayāmat hai musāfir rāsta din ko bhaTakte haiñ
fuġhāñ kartī hai bulbul yaad meñ gar gul ke ai gulchīñ
sadā ik aah kī aatī hai jab ġhunche chaTakte haiñ
rihā kartā nahīñ sayyād ham ko mausam-e-gul meñ
qafas meñ dam jo ghabrātā hai sar de de paTakte haiñ
uḌā dūñgā 'rasā' maiñ dhajjiyāñ dāmān-e-sahrā kī
abas ḳhār-e-bayābāñ mere dāman se aTakte haiñ
KHayal-e-nawak-e-mizhgan mein bas hum sar paTakte hain
hamare dil mein muddat se ye KHar-e-gham khaTakte hain
ruKH-e-raushan pe us ki gesu-e-shab-gun laTakte hain
qayamat hai musafir rasta din ko bhaTakte hain
fughan karti hai bulbul yaad mein gar gul ke ai gulchin
sada ek aah ki aati hai jab ghunche chaTakte hain
riha karta nahin sayyaad hum ko mausam-e-gul mein
qafas mein dam jo ghabraata hai sar de de paTakte hain
uDa dunga 'rasa' main dhajjiyan daman-e-sahra ki
abas KHar-e-bayaban mere daman se aTakte hain
- Book : Bhartendu Samagr (Pg. 269)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
